سياسة الاستبدال والاسترجاع

1. حقك في الاستبدال أو الاسترجاع

• تقدر تبدّل أو ترجّع أي منتج خلال 14 يومًا من تاريخ استلامه، حتى لو كان سليم ومش مناسب لاحتياجك، بالشروط اللي في البند 3.
• لو المنتج وصلك فيه عيب صناعة، أو مختلف عن اللي طلبته، بنستبدله أو نرجّعلك تمنه كامل.
• بعد الـ 14 يوم: أي عيب في الجهاز بيتعامل معاه ضمان علي بن علي من خلال مركز الصيانة بتاعنا. مدة الضمان مكتوبة في صفحة كل جهاز.

2. إزاي تطلب الاستبدال أو الاسترجاع

• الإيميل: cs@alibenalimedical.com
• الخط الساخن: 01212333328
• واتساب: 01281861002
• أي فرع من فروعنا: الرشيدي والبستان في القاهرة، والإسكندرية، والمنصورة.

جهّز رقم الطلب أو الفاتورة.

3. شروط قبول المنتج المرتجع

مندوب الاستلام بيفحص المنتج وقت الاستلام، ولازم يكون:

1. نفس المنتج: الاسم والموديل والماركة والرقم التسلسلي مطابقين للفاتورة.
2. كامل: كل اللي كان في العلبة موجود، زي الكابلات، والشاحن أو المحوّل، والحساسات، ودليل الاستخدام، وكارت الضمان، والهدايا لو كان فيه.
3. غير مستخدم ونظيف: ومعاه أختام الجودة أو الضمان لو موجودة.
4. سليم: مفيهوش كسر ولا خدوش ولا شروخ.
5. في علبته الأصلية وهي سليمة.

لو شرط من دول ناقص، المندوب ممكن يرفض الاستلام، وبنبلغك بالسبب.

4. منتجات مابتتبدلش ولا بترجع (لأسباب صحية ولسلامة المرضى)

• المنتجات والمستلزمات المعقمة.
• المستلزمات الشخصية اللي بتلمس المريض بعد فتح عبوتها، زي الماسكات، والخراطيم، وخزانات المرطّب، والحساسات والأقطاب اللي بتستخدم مرة واحدة.
• المستهلكات بعد فتح عبوتها.

الاستثناء الوحيد: لو فيها عيب صناعة ظاهر وقت الاستلام.

5. مصاريف الشحن في الاستبدال والاسترجاع

• لو المنتج وصل فيه عيب أو مختلف عن اللي طلبته: مصاريف الشحن كلها علينا.
• لو المنتج سليم وعايز ترجّعه أو تبدّله: مصاريف شحن الإرجاع على العميل، إلا لو فيه عرض شحن مجاني ساري.
• تقدر ترجّع المنتج بنفسك في أي فرع من فروعنا بدل الشحن.
• الاستلام من عنوان غير عنوان التوصيل متاح بس لو خدمة الاستلام بتغطي العنوان الجديد.

6. إلغاء الطلب

• لو الطلب لسه ماتشحنش: تقدر تلغيه من الموقع، أو الخط الساخن، أو واتساب.
• بعد الشحن: الإلغاء بيتعامل كطلب استرجاع بالشروط اللي فوق.

7. استرداد الفلوس

• بنرجّع الفلوس بنفس طريقة الدفع، خلال 15 يومًا من استلامنا للمنتج المرتجع.
• بطاقة ائتمان أو خصم: الفلوس بترجع على البطاقة. البنوك أحيانًا بتاخد وقت أطول.
• الدفع عند الاستلام: تحويل على حسابك البنكي، أو كاش من أي فرع من فروعنا في القاهرة والإسكندرية والمنصورة، بالإيصال الأصلي.
• مصاريف الشحن مابترجعش، إلا لو المرتجع بسبب عيب أو منتج غلط.

الشحن والتوصيل

• بنوصّل ونركّب في 27 محافظة داخل مصر. مفيش شحن لخارج مصر حاليًا.
• مصاريف الشحن على العميل، وبتتحدد بعد الطلب حسب المكان والطلب. بنتفق عليها معاك في مكالمة أو على واتساب قبل الشحن. الاستثناء: عروض الشحن المجاني.
• كل الطلبات حسب توافر المنتجات. لو جزء من طلبك مش متوفر، بنشحن المتاح، ونشحن الباقي أول ما يتوفر، فممكن الطلب يوصل على أكتر من شحنة.
• ميعاد التسليم بيختلف حسب المكان وطريقة الشحن وعدد المنتجات.